11 abril 2020

O Grupo Municipal Socialista pide un esforzo ao Goberno Local de Arteixo para dotar á poboación de mascarillas para poder efectuar as súas compras diarias.


“Dende o Grupo Municipal Socialista, igual que fixemos outras propostas, sempre en sentido positivo, esperamos que o Goberno Local teña en conta esta solicitude, para poder axudar á nosa cidadanía a protexerse ante esta epidemia” declara o seu voceiro Martín Seco


Son moitos os cidadáns de Arteixo que desexan poder atopar material para protexerse do Coronavirus, cando teñen que saír das súas casas durante o confinamento, dende o Grupo Municipal do PSdeG-PSOE cremos que o Goberno Local do Concello de Arteixo debera facer un esforzo para intentar dotar a nosa poboación dese material de protección, para cando saen a mercar produtos necesarios para a subsistencia diaria. 

Entendemos que neste momento non é necesario entrar nun mercado internacional saturado e que é necesario para sanitarios e profesionais que están a realizar o seu traballo neste duro momento, senon que se podería levar a cabo coa fabricación de mascarillas de tela, que se puidesen lavar e reutilizar, sexa por vía de colaborar con material dende o concello coas cidadás que están a fabricar manualmente mascarillas de tela ou tratar de conveniar con algúns talleres de costura, agora pechados polo decreto gubernamental, para que fabricaran mascarillas de tela para toda a poboación, asumindo o custe laboral e material dende o Concello.

Ademais dende o Concello se podería coordinar a distribución, tanto se é por vía de envío postal como buscando colaboración entre os posibles puntos de recollida de dito material, lugares que están abertos ao público, farmacias, estancos, librerías, venta de alimentos,…

No hay comentarios :

Publicar un comentario

¡Animamoste a comentar! Se deixas algunha forma de contactar contigo, poderemos responder.