Todos os grupos políticos de Arteixo trasladan o seu pésame as vítimas do accidente de Santiago
Representantes de todos os grupos políticos de Arteixo "PP, Terra Galega, BNG e PSOE" concentráronse onte diante do concello en sinal
de loito e como mostra de apoio as vítimas do accidente de tren de Santiago.
Os
actos festivos previstos en Arteixo para o día 25, con motivo das festas
patronais suspendéronse.
O concello tamén apoiará o chamamento que a Federación
Galega de Municipios e Provincias fixo os concellos de toda Galicia, e convoca
as doce do mediodía do día 26 unha concentración silenciosa de cinco minutos
diante da casa consistorial.
Os representantes políticos da corporación municipal
acordaron suscribir unha declaración conxunta:
“O concello de Arteixo quere
trasladar o máis sentido pésame os familiares dos falecidos no accidente
ferroviario sucedido onte en Santiago, e expresar a súa solidariedade cos
feridos no tráxico suceso e con todos os seus achegados”.
